Memoria e innovación
- ecosdacomarca
- 12 abr
- 2 Min. de lectura
La Formalita/Xeral
Cousas que se pensan
Memoria e innovación
Din que os máis novos son máis tontos.
Que baixan resultados, que custa máis ler, que a atención non aguanta. PISA leva anos
marcando caídas en comprensión e matemáticas. Nalgúns países, o efecto Flynn —ese
que dicía que cada xeración era máis lista ca a anterior— deixou de subir e mesmo
baixou.
Pero mentres tanto, pasan outras cousas.
O alumnado galego segue subindo ao podio nas Olimpiadas de Matemáticas e de Física.
Equipos de instituto gañan ligas de debate con máis cabeza da que parece. E hai
rapaces creando, programando, compondo e lanzando proxectos antes dos trinta.
E iso tamén está aí.
PUBLICIDADE
¿Como encaixa unha cousa coa outra?
O mundo vai máis rápido. As cousas chegan a golpe de clic. Todo parece posible —ata
chegar á Lúa... ou a Marte— sen saír da casa.
E, claro, corre, corre, corre... e vai cambiando a maneira de pensar.
Bauman chamou a isto vida líquida. Outros falan de aceleración. Aquí dicímolo así: alavái.
E entón pasa o que pasa.
¿Como se valora algo que aínda está pasando?
¿Ou só botamos en falta o que xa coñecemos?
PUBLICIDADE
No medio, o talento faise máis visible, máis inmediato, máis novo.
E tamén máis esixente: horas, esforzo, compromiso e ganas.
Así que igual non hai xeracións máis tontas.
O mundo fuxe, e nós imos detrás.
¿Que é o que está cambiando?
¿Sabemos ver o talento cando muda de forma?
La Formalita existe en Ecos da Comarca para ofrecer unha maneira distinta de mirar o
cotián: breve, elegante, con humor e pensamento; non para informar, senón para
interpretar; non para explicar, senón para mirar doutro xeito. ECOS DA COMARCA— 12
de abril de 2026.
MÁIS ARTIGOS DE OPINIÓN DE LA FORMALITA:
Cando todo asemella o mesmo... pero non: https://www.ecosdacomarca.com/post/cando-todo-asemella-o-mesmo-pero-non
O valor do que non se debe perder: https://www.ecosdacomarca.com/post/o-valor-do-que-non-se-debe-perder
O cerebro humano non entende a escala, entende a historia: https://www.ecosdacomarca.com/post/o-cerebro-humano-non-entende-a-escala-entende-a-historia
Toda ponte cobra: https://www.ecosdacomarca.com/post/toda-ponte-cobra
Cando prende, prende: https://www.ecosdacomarca.com/post/cando-prende-prende
Cando o día vén encollido: https://www.ecosdacomarca.com/post/cando-o-d%C3%ADa-v%C3%A9n-encollido
Queridos Reis Magos: https://www.ecosdacomarca.com/post/queridos-reis-magos
Unha desfeita: https://www.ecosdacomarca.com/post/unha-desfeita
A Terra Nai: https://www.ecosdacomarca.com/post/a-terra-nai
A cara que non somos: https://www.ecosdacomarca.com/post/a-cara-que-non-somos
Estar sendo: https://www.ecosdacomarca.com/post/estar-sendo
8 de marzo: forma e cor: https://www.ecosdacomarca.com/post/8-de-marzo-forma-e-cor
Onde comezan as mans: https://www.ecosdacomarca.com/post/onde-comezan-as-mans
Un domingo de Ramos: https://www.ecosdacomarca.com/post/un-domingo-de-ramos
Abades, un domingo de Pascua: https://www.ecosdacomarca.com/post/abades-un-domingo-de-pascua
Great read! 👏 Really thought-provoking piece. We tend to judge new generations with old measuring sticks, forgetting that the world they grew up in is completely different from ours. A kid who codes, creates, and launches projects before thirty is talented — just in ways we’re not always trained to see. Maybe the real question isn’t whether they’re smarter or not, but whether we’re open enough to recognize intelligence when it changes shape. Great reflection!