Ecos da Comarca/Melide
O PP de Melide ven de presentar unha moción na que solicitan o apoio do bipartito local, AM-PSOE, no que respecta á implantación na comarca da Terra de Melide e Ulloa da pasteira ALTRI, "un proxecto que debuxará un novo panorama económico, laboral e social en ambas dúas provincias, Galicia e incluso España", recalca.
![](https://static.wixstatic.com/media/0216be_00dcafc44c27430da07de4ecf5c7799b~mv2.jpg/v1/fill/w_147,h_98,al_c,q_80,usm_0.66_1.00_0.01,blur_2,enc_auto/0216be_00dcafc44c27430da07de4ecf5c7799b~mv2.jpg)
Dende o grupo municipal popular expresan que “cremos convinte facer esta declaración de intencións, que agardamos, sexa apoiada tanto por Am como polo PSOE dado que é a oportunidade do interior de Galicia, e polo tanto, de Melide en múltiples ámbitos. Non podemos permitirnos cores políticas neste sentido, este asunto é capital”.
Dende as filas populares preocupan as declaracións do delegado do goberno, José Miñones, "en canto aos comentarios de localización da fábrica de fibras téxtis así como a auditoría da Comisión Europea que realiza mensualmente aos países membros, nos que o ritmo de execución dos fondos Next Generation é máis baixo do que se agarda".
Dalia García, a portavoz dos populares melidenses, sinala que "agardamos que esta
proposta non sexa obxecto de debate na corporación melidense. É fundamental
fortalecer as fortalezas de Melide para o futuro que este proxecto supón, de aí a necesidade de presionar, en todos os ámbitos de decisión de que haxa un apoio forte cara esta iniciativa”.
NOTICIAS RELACIONADAS: