Palas de Rei acolle esta tarde un acto informativo sobre a posible instalación de Altri no municipio

A xornada está convocada por distintas asociacións da zona e asistirán diferentes personalidades

Laura Moure/Palas de Rei

Palas de Rei acolle hoxe, sábado 17, ás cinco da tarde un acto informativo sobre a posible instalación da empresa Altri nesta localidade. Terá lugar no salón de actos da Casa da Cultura.

Representantes de Altri nunha reunión que tiveron no Concello en semanas pasadas.

Esta xornada está convocada pola Asociación Agrocuir da Ulloa, a Fundación Eira-Adega, Asociación Quercus Sonora, a Asociación O Zuleiro, Asociación de Consumidores de Produtos Ecolóxicos e Artesanais da Ulloa e a Orde das Donas e Cabaleiros do Priorato de Vilar de Donas 'Os lobos'.

Preme na imaxe se queres contactat connosco.

Están convidados á cita Altri SPGS S.A.; a Vicepresidencia Primeira e Consellería de Industria e Innovación da Xunta de Galicia; o alcalde de Palas de Rei, Pablo Taboada; Santiago Ortiz, catedrático de Botánica da Facultade de Farmacia da USC; Antón Masa da Asociación pola Defensa da Ría de Pontevedra; Ana Corredoira, gandeira da Granxa Cernada; Montse Pérez, hosteleira da Casa de Turismo Rural Bolboreta, Joao Ribeiro, enxeñeiro florestal da Asociación Quercus de Portugal e o acto estará moderado por Emilio Carral, docente da área de Ecoloxía da USC.

NOTICIAS RELACIONADAS:

• https://www.ecosdacomarca.com/post/a-empresa-portuguesa-altri-elixe-palas-de-rei-para-asentar-a-%C3%BAnica-f%C3%A1brica-de-fibra-t%C3%A9xtil-de-espa%C3%B1a

• https://www.ecosdacomarca.com/post/o-alcalde-de-agolada-re%C3%BAnese-co-seu-hom%C3%B3nimo-de-palas-de-rei-para-interesarse-pola-empresa-altri

• https://www.ecosdacomarca.com/post/aparecen-pintada-no-consistorio-de-palas-de-rei-en-contra-do-futuro-proxecto-da-empresa-altri

• https://www.ecosdacomarca.com/post/conde-destaca-que-altri-ser%C3%A1-un-polo-dinamizador-da-econom%C3%ADa-local-de-palas-e-da-provincia-de-lugo

• https://www.ecosdacomarca.com/post/representantes-de-altri-despr%C3%A1zanse-a-palas-de-rei-para-reunirse-co-alcalde-do-municipio

• https://www.ecosdacomarca.com/post/altri-solicita-a-concesi%C3%B3n-dunha-captaci%C3%B3n-de-auga-do-r%C3%ADo-ulla-no-termo-municipal-de-agolada