Melide mellora o servizo gratuíto derecollida de plásticos agrícolas coa retirada nas explotacións
As persoas interesadas poderán solicitar o servizo do 13 de outubro ao 15 de novembro
Ecos da Comarca/Melide
O Concello de Melide introduce un cambio no servizo gratuíto de recollida de plásticos agrícolas para facilitarlles a retirada destes materiais aos gandeiros e gandeiras. Ata o de agora, establecíanse unhas datas nas que debían depositar os residuos en puntos habilitados nas parroquias para a súa recollida. Co novo sistema, o camión desprazarase directamente ás explotacións, evitando que teñan que trasladalos ata eses lugares.
Con esta modificación, os gandeiros e gandeiras xa non terán que desprazarse para depositar os plásticos, que deberán estar limpos, apilados e situados nun lugar accesible
para o camión. Non se admitirán materiais almacenados en ‘big bags’.
PUBLICIDADE
O período para solicitar a recollida ábrese catro veces ao ano, unha frecuencia que xa foi
ampliada polo actual equipo de Goberno. Nesta ocasión, o servizo poderá solicitarse entre
o 13 de outubro e o 15 de novembro, mentres que a recollida comezará o 20 de novembro
e continuará sendo totalmente gratuíta para as explotacións.
PUBLICIDADE
As persoas interesadas deberán chamar ao teléfono 981 50 50 03 ou enviar un correo
electrónico a comercio@concellodemelide.gal. O horario de atención será de luns a
venres, de 9:00 a 15:00 horas.
Comentarios