Debuta coa Selección Española de Culturismo Natural
Laura Moure/Lalín
O lalinense José Ramón Riádigos non para de escalar. A súa volta ao mundo do Culturismo, despois dun grave problema de saúde, está cargada de éxitos. Esta fin de semana disputará o Campionato de Europa en Francia debutando coa Selección Española de Culturismo Natural.
"É algo que xamais na miña vida me pasou pola cabeza. Poder vestir e sentir estas cores, será algo incríble e posiblemente un dos mellores momentos e máis bonitos e especiais da miña vida ata o momento vivido", confesa o lalinense. "Espero estar á altura e saír coa miña mellor versión xa que tamén será o último campionato da tempada e de que mellor forma de facelo que representando ao meu país!"
Así mesmo, sinala que agora toca afrontar estes últimos días "que non serán nada fáciles e despois a por todas!".
Dende Ecos da Comarca desexámoslle toda a sorte do mundo!
NOTICIAS RELACIONADAS:
Comments