O Concello cruceño solicita a intervención inmediata de Augas de Galicia pola vertedura no río Deza

Aclara que a piscina da Carixa abastécese de auga limpa do río Orza, sen risco de contaminación

Ecos da Comarca/Vila de Cruces

O Concello de Vila de Cruces leva tres semanas a realizar tarefas de vixilancia e seguimento no río Deza, tras detectar a presenza reiterada de escuma nas súas augas, un indicio claro dunha posible vertedura contaminante.

As inspeccións realizadas permitiron constatar que a orixe da contaminación atópase augas arriba do termo municipal. Por este motivo, o Concello remitiu un informe detallado a Augas de Galicia, no que se solicita a súa intervención urxente para investigar a orixe da vertedura, avaliar os posibles impactos ambientais e adoptar as medidas necesarias para frear e reverter a situación.

Publicidade

Preme na imaxe se queres contactar connosco.

Ao mesmo tempo, o Concello quere tranquilizar á veciñanza e aos usuarios da área recreativa da Carixa, aclarando que a piscina non se abastece coas augas do Deza, senón que está a ser enchida con auga limpa do río Orza, polo que non existe risco de

contaminación.

O Concello de Vila de Cruces mantén o seu compromiso coa protección do medio

ambiente e seguirá informando puntualmente sobre a evolución deste incidente.

NOTICIAS RELACIONADAS:

• O BNG de Silleda denuncia as continuas verteduras ao ría Deza e reclama medidas urxentes: https://www.ecosdacomarca.com/post/o-bng-de-silleda-denuncia-as-continuas-verteduras-ao-r%C3%ADa-deza-e-reclama-medidas-urxentes

• O BNG de Cruces denuncia os continuos vertidos no río Deza e pide medidas urxentes ás administracións: https://www.ecosdacomarca.com/post/o-bng-de-cruces-denuncia-os-continuos-vertidos-no-r%C3%ADo-deza-e-pide-medidas-urxentes-%C3%A1s-administraci%C3%B3n