2.131 opositores asistiron onte as probas da fase de oposición do Servizo Galego de Saúde en Silleda

Os exames continuarán, hoxe, domingo

Laura Moure/Silleda

O Recinto Feiral Internacional de Silleda, acolleu onte, pola tarde, as probas de acceso ás categorías de fisioterapeuta, técnico superior en imaxe para o diagnóstico, fontaneiro e técnico especialista en sistemas e tecnoloxías da información do Servizo Galego de Saúde, uns exames que acadaron unha participación do 82,79 %. A quenda vespertina, contou coa participación de 2.131 opositores, dos 2.574 que resultaron admitidos.

Nomeadamente, dos 870 aspirantes admitidos na categoría de fisioterapeuta acudiron a realización da probas 719 persoas (82,6 %), 1.190 dos 1.407 inscritos na de técnico superior en imaxe para o diagnóstico (84,6%), 124 dos 156 da categoría de fontaneiro (79,5 %), e 98 dos 141 da de técnico especialista en sistemas e tecnoloxías da información (69,5 %).

En canto as prazas ofertadas nestas categorías, o departamento sanitario da Xunta oferta nesta convocatoria 27 de fisioterapeuta, 67 de técnico superior en imaxe para o diagnóstico, 8 de fontaneiro e 5 de técnico especialista en sistemas e tecnoloxías da información.

78 % de participación na quenda da mañá

Os exames celebrados esta mañá, correspondentes ás especialidades de técnico de farmacia, logopedista e condutor, acadaron unha participación do 78,79 %, ao acudir á realización das probas 1.545 opositores, dos 1.961 que estaban inscritos.

 PUBLICIDADE

En concreto, dos 1.273 opositores convocados para a categoría de técnico de farmacia realizaron o exame 1.007 persoas (79,1 %), dos 219 logopedistas asistiron 200 aspirantes (91,3 %) e, na categoría de condutor completaron a proba un total de 338 opositores, dos 469 convocados (72%).

9.500 opositores convocados este domingo

Os exames desta fin de semana completaranse na xornada de hoxe, domingo. Así, desde as 16:00 horas celebraranse as probas da fase de oposición correspondentes ás categorías de técnico en coidados auxiliares de enfermería (tanto na quenda xeral como na de discapacidade intelectual) e na técnico en farmacia (quenda de discapacidade intelectual).

 PUBLICIDADE

Neste caso, resultaron admitidos un total de 9.561 aspirantes, pertencendo 9.555 opositores á categoría de técnico en coidados auxiliares de enfermería, que poderán acceder a un total de 1.306 prazas; e 6 os aspirantes para a categoría de técnico de farmacia da quenda discapacidade intelectual.

Entre os meses de outubro e novembro, o Servizo Galego de Saúde oferta un total de 2.223 prazas distribuídas en 22 categorías.