A rodeirense Amelia Lorenzo Meijomil celebrou o seu 105 cumpreanos

Ecos da Comarca/Rodeiro

O pasado día 17 Amelia Lorenzo Meijomil celebrou o seu 105 cumpreanos e é a segunda muller máis lonxeva do concello de Rodeiro. O alcalde do municipio, Jose Luis Camiñas, e a concelleira de Servizos Sociais, Begoña Vázquez, desprazáronse a súa casa para felicitala e pasar un rato con ela.

Amelia naceu no ano 1919 no lugar de Mourigás na parroquia rodeirense de Arnego e casou para a mesma parroquia, pero para Cuñarro do Medio. Traballou no campo, pero tamén pasou a súa vida vencellada ás tabernas porque tal e como nos conta o seu fillo Manolo criouse cos seus pais taberneiros e despois casou cun taberneiro. Agora está viúva e vive en Cuñarro co seu fillo Manolo, xa que tiña outro fillo, pero xa faleceu, e non ten netos.