A rodeirense Amelia Lorenzo Meijomil cumpriu 104 anos

Laura Moure
19 sept 2023
1 Min. de lectura

Era filla e muller de taberneiros e naceu e vive na parroquia de Arnego

Laura Moure/Rodeiro

Que rápido pasa un ano! E estamos de novo aquí para felicitar á rodeirense Amelia Lorenzo Meijomil que o pasado domingo, día 17, cumpríu nada máis nin nada menos que 104 anos!!!!

Amelia naceu no ano 1919 no lugar de Mourigás na parroquia rodeirense de Arnego e casou para a mesma parroquia, pero para Cuñarro do Medio. Traballou no campo, pero tamén pasou a súa vida vencellada ás tabernas porque tal e como nos conta o seu fillo Manolo criouse cos seus pais taberneiros e despois casou cun taberneiro. Agora está viúva e vive en Cuñarro co seu fillo Manolo, xa que tiña outro fillo, pero xa faleceu, e non ten netos.