Vila de Cruces acollerá o 8 de novembro unha gala solidaria para loitar contra o cancro infantil

Está organizada pola ANPA Nosa Señora da Piedade e será unha cita chea de música, emoción e solidariedade a favor da Fundación Martín Álvarez Muelas

Laura Moure/Vila de Cruces

O Concello de Vila de Cruces colabora con ilusión na Gala Solidaria organizada pola ANPA Nosa Señora da Piedade, unha cita chea de música, emoción e solidariedade a favor da Fundación Martín Álvarez Muelas. Todo o recadado destinarase integramente á investigación do cancro infantil tipo DIPG, apoiando a loita e a esperanza de moitos nenos e nenas. Cabe mencionar que a pasada semana, Lara de cinco anos e veciña deste municipio, perdía a vida a causa desta doenza.

Publicidade

Preme na imaxe se quere contactar connosco.

A gala será o sábado, 8 de novembro, no auditorio Municipal Xosé Casal de Vila de Cruces, ás 19:30 horas.

A cita contará con actuacións musicais e diversos espectáculos, preparados con moito cariño para facer desta noite un encontro inesquecible, cheo de solidariedade e esperanza.

"Dende o Concello de Vila de Cruces queremos agradecer o gran traballo da ANPA Nosa Señora da Piedade e de todas as persoas e entidades que fan posible esta iniciativa solidaria", recalca o ente local.

NOTICIAS RELACIONDAS:

• Axuda a Lara, unha nena de cinco anos de Vila de Cruces, que padece un tumor cerebral: https://www.ecosdacomarca.com/post/axuda-a-lara-unha-nena-de-cinco-anos-que-padece-un-tumor-cerebral

• Falece Lara, a nena de 5 anos de Vila de Cruces que padecía un tumor cerebral: https://www.ecosdacomarca.com/post/falece-lara-a-nena-de-5-anos-de-vila-de-cruces-que-padec%C3%ADa-un-tumor-cerebral