Extinguido o incendio de Oleiros, Silleda, que calcinou 67,4 hectáreas
Ecos da Comarca/Silleda
A Consellería do Medio Rural informa que o incendio forestal rexistrado no concello de Silleda, parroquia de Oleiros, quedou extinguido ás 13:22 horas de hoxe, domingo.
O lume iniciouse ás 22:49 horas do pasado xoves e finalmente afectou unha superficie de
67,4 hectáreas, das cales 57,35 se corresponden con monte raso e 10,05, con arborado.
Para a súa extinción mobilizáronse, no seu conxunto, 20 axentes, 28 brigadas, 28
motobombas, 3 pas, 3 técnicos, 3 avións e 3 helicópteros.
PUBLICIDADE
A Consellería do Medio Rural lembra que está a disposición da cidadanía o número de
teléfono gratuíto 085, ao que deben chamar en caso de detectar algún lume forestal.
Asemade, tamén está dispoñible para a súa descarga ALume, a app para avisar sobre
incendios forestais activos en Galicia.
PUBLICIDADE
Ademais, existe un teléfono anónimo e gratuíto para denunciar calquera actividade delituosa incendiaria da que se teña sospeita ou coñecemento: 900 815 085. Así mesmo, toda a información actualizada sobre incendios forestais que acadan as 20 hectáreas poderá ser consultada na conta aberta de X: @incendios085.
PUBLICIDADE
NOTICIAS RELACIONADAS:
Un lume forestal afecta á parroquia silledense de Oleiros: https://www.ecosdacomarca.com/post/un-lume-forestal-afecta-%C3%A1-parroquia-silledense-de-oleiros
O incendio da parroquia silledense de Oleiros podería superar xa as 50 hectáreas: https://www.ecosdacomarca.com/post/o-incendio-da-parroquia-silledense-de-oleiros-poder%C3%ADa-superar-xa-as-50-hect%C3%A1reas
Controlado o incendio forestal da parroquia silledense de Oleiros: https://www.ecosdacomarca.com/post/controlado-o-incendio-forestal-da-parroquia-silledense-de-oleiros
Comentarios