Unha persoa queda atrapada nun turismo logo de bater con outro na Laracha

Ecos da Comarca/Xeral

O accidente produciuse uns minutos antes das tres desta tarde na AC-552, ao paso por Torás, na Laracha.

Como consecuencia do impacto -unha colisión frontal-, un dos ocupantes quedou atrapado no interior dun dos coches e necesitou a axuda dos bombeiros para liberarse.

Accidente hoxe. Fonte: Bombeiros de Carballo

Pola súa banda, o outro condutor puido saír polos seus propios medios, pero, igualmente, precisou asistencia médica. En total, foron dúas as persoas trasladadas debido ás lesións provocadas polo accidente.

 Publicidade/DOAZÓN PARA ECOS DA COMARCA

Deste xeito, ademais dos Bombeiros de Carballo e os voluntarios de Protección Civil da localidade, desde o 112 Galicia, solicitouse a intervención dos profesionais de Urxencias Sanitarias de Galicia-061, que efectuaron a evacuación dos feridos ao centro hospitalario de referencia.

 Publicidade

Preme na imaxe para obter máis información.

Tamén interviñeron os axentes da Garda Civil de Tráfico e da Policía Local e o persoal de limpeza e mantemento da vía, que se ocupou de retirar os restos e restablecer as condicións de seguridade.

Publicidade

Preme para contactar con nós e pregunta polas tarifas que son unha bicoca!