O accidente tivo lugar en Vilar
Ecos da Comarca/Deza
Unha persoa perdeu a vida a pasada tarde despois de que o tractor que estaba a manexar envorcase no lugar de Vilar, en Vila de Cruces.
Os feitos sucederon moi preto das oito e media. Foi, nese momento, cando unha persoa particular contactou co 112 Galicia para dar conta do accidente.
Acto seguido, os xestores do CIAE 112 Galicia solicitaron a intervención de Urxencias Sanitarias de Galicia-061, dos axentes da Garda Civil e da Agrupación de Voluntarios de Protección Civil da localidade.
Ademais, o persoal de Emerxencias 112 Galicia puxo os feitos en coñecemento dos Bombeiros do Deza e do GES de Lalín.
Xa no lugar do sinistro, os servizos sanitarios nada puideron facer por salvarlle a vida á persoa accidentada.
Commentaires