Unha furgoneta sufre unha saída de vía na parroquia lalinense de Prado

Ecos da Comarca/Lalín

Foto de arquivo.

Esta mañá produciuse un accidente en Lalín no que se viu afectado unha furgoneta. O 112 Galicia foi alertado por un particular ás 12:12 horas.

Preme na imaxe para obter máis información do evento.

"Foi unha saída de vía dunha furgoneta na estrada EP-6004, en Prado", informa o 112. "O particular indicábanos que era xunto a ponte do río Asneiro e que dado o golpe, podía haber alguén ferido".

Preme na imaxe se queres contactar connosco.

Con estes datos, o 112 Galicia avisou a Urxencias Sanitarias, aos GES e Protección Civil de Lalín, á Policía Local, á Garda Civil de Tráfico e ao Servizo de Mantemento de Estradas. Non transcenderon máis datos.

Cabe destacar que non foi o único accidente rexistrado hoxe en Lalín, xa que escasos minutos despois (ás 12:20 horas) tiña lugar outra saída de vía en Cadrón. Máis datos deste accidente no enlace: https://www.ecosdacomarca.com/post/sa%C3%ADda-de-v%C3%ADa-na-parroquia-lalinense-de-cadr%C3%B3n