Un veciño de Cruces colide co seu coche cun peregrino en bicicleta en Melide

Ecos da Comarca/Melide/Cruces

Este xoves produciuse un accidente de tráfico no municipio de Melide. No mesmo víronse implicados un coche e unha bicicleta e saldouse con dúas persoas feridas. O 112 Galicia foi alertado ás 12 horas.

O accidente de hoxe en Santa María de Melide. C.D.

Tal e como informan fontes oficiais, o coche, no que viaxaba un veciño de Vila de Cruces, saía da rúa que dá acceso ao tanatorio e ao albergue de peregrinos (fronte ao cruce de Santa María) e incorporábase á N-547 dirección Lugo. Nese momento, un peregrino circulaba coa súa bicicleta por este vial dirección Santiago e acabaron colidindo.

O peregrino impactou contra a porta do coche. C.D.

O peregrino, un home duns 60 anos de Girona, foi trasladado en ambulancia ao centro hospitalario de Santiago.

 PUBLICIDADE

Preme na imaxe para obter máis información deste evento.

O veciño de Cruces, que sangraba por un oído, foi trasladado primeiro ao PAC de Melide e seguidamente, foi polos seus medios a outro centro sanitario de Compostela.

 PUBLICIDADE

Preme na imaxe para contactar connosco.

Ata o lugar desprazáronse Urxencias Sanitarias, Protección Civil de Melide e a Policía Local.

Cabe mencionar que a veciñanza de Santa María leva anos reivindincando solucións, como a construción dunha rotonda, debido á falta de seguridade e á gran cantidade de accidentes que se rexistran neste punto.