Un veciño de Toques denuncia o roubo dun remolque de transporte de gando que estaba en Agolada
Ecos da Comarca/Agolada
Un veciño de Toques denuncia o roubo dun remolque de transporte de gando no lugar de Reboredo, en Agolada. Este estaba no exterior, pero dentro do recinto da súa granxa situada neste sitio da parroquia de Borraxeiros.
Tal e como sinalan o remolque quedaba no lugar este martes, día 6, pola noite e cando chegaron ao día seguinte xa non estaba. "É un carrito de transportar gando dos máis grandes que hai de matrícula vermella e que ten unha lona de cor azul", indican e piden difusión por se alguén pode dar algunha pista do seu paradoiro.
O afectado xa interpuxo denuncia no cuartel da Garda Civil. Calqueira pista poden contactar coa Garda Civil ou con ECOS DA COMARCA a través do noso correo ecosdacomarca@gmail.com
Comentarios