top of page

Un veciño foi o que atopou a Miguel Ángel Vázquez Ouro, nunha pista da parroquia de Cuíña

Ecos da Comarca/Melide/Palas de Rei

Esta mañá informabamos da desaparición de Miguel Ángel Vázquez Ouro, duns 50 anos veciño de Melide e oriúndo de Palas de Rei. Saíu da súa vivenda de Melide onte, mércores 15 de novembro, a media tarde, e estaba en paradoiro descoñecido. Por desgranza, ao mediodía deste xoves o seu corpo foi atopado sen vida por un veciño.

O coche fúnebre chegando ao lugar onde apareceu. Autor: Ecos da Comarca.

Apareceu xunto ao seu coche, fóra deste, nunha pista do lugar de Tallos, na parroquia palense de Cuíña. Este lugar está situado a uns cinco quilómetros de Felpós, onde está a súa casa natal e a onde se dirixía este mércores para levarlles comida a seus pais.


Publicidade

Dende onte, ás 23 horas, estaba activo un operativo de búsqueda no que participaron Protección Civil de Palas de Rei e de Melide e a Garda Civil de Melide, Palas de Rei, Boimorto e Guntín e xa estaban solicitados máis medios.

Esta mañá a búsqueda centrouse nas parroquias palenses do Carballal, Moredo e Felpós e por Vilouriz, en Toques, ata que o veciño que ía paseando deu co seu paradoiro. ECOS DA COMARCA dixiriámonos cara os lugares da búsqueda, cando uns minutos antes das 13:00 horas, nos comunicaron que aparecera sen vida.


Publicidade

Cando chegamos ao lugar, alí estaba Protección Civil de Palas, a Garda Civil de Lugo e Palas e tempo despois tamén chegou a de Melide. Tamén se desprazou o alcalde do municipio, Pablo Taboada. E sobre unha hora despois chegou o coche fúnebre.


De momento, non se poden confirmar as causas da morte.


O noso máis sentido pésame aos seus seres queridos. D.E.P.



0 comentarios

Entradas Recientes

Ver todo

Comentários


IRS.gif
Copia de ¡TU Anuncio!.gif
Ecos_da_Comarca_neg.png
bottom of page