Buscan a Miguel Ángel Vázquez Ouro, veciño de Melide e oriúndo de Palas, que falta dende onte

Tamén se está na procura do seu coche, un Golf branco con matrícula 6559 GLN

Ecos da Comarca/Melide/Palas de Rei

Protección Civil de Palas de Rei infórmanos da desaparición de Miguel Ángel Vázquez Ouro, duns 50 anos veciño de Melide e oriúndo de Palas de Rei. Saíu da súa vivenda de Melide onte, mércores 15 de novembro, a media tarde.

Miguel Ángel Vázquez Ouro

"Dixo que ía a casa de seus pais en Felpós, en Palas de Rei", indica Protección Civil desa localidade. Pero alí non chegou e dende ese momento perdéuselle a pista. Marchou no seu coche un Golf de cor branca con matrícula 6559 GLN.

Publicidade

Preme na imaxe para obter máis información!

Dende onte, ás 23 horas, xa está en marcha un operativo de búsqueda. Ata o momento (11 horas) participan Protección Civil de Palas de Rei e de Melide e a Garda Civil de Melide, Palas de Rei, Boimorto e Guntín. Xa están solicitados máis medios, tal e como nos apunta Protección Civil de Palas.

Publicidade

Preme na imaxe para obter máis información!

Prégase difusión para dar canto antes con el ou co seu coche e máis hoxe, xoves, día de caza, para que os cazadores estean atentos por se poden ver algo que leve a atopar a este veciño das comarcas.

ACTUALIZACIÓN: XA FOI ATOPADO SEN VIDA. D.E.P

https://www.ecosdacomarca.com/post/un-veci%C3%B1o-foi-o-que-atopou-a-miguel-%C3%A1ngel-v%C3%A1zquez-ouro-nunha-pista-da-parroquia-de-cu%C3%AD%C3%B1a