Un mozo lanza pedras contra catro vehículos na AP-53 á altura de Silleda

Ecos da Comarca/Silleda

Un mozo, duns 20 anos, que presenta problemas de saúde mental foi trasladado a un centro sanitario despois de protagonizar un incidente onte na autopista AP-53, a altura de Silleda, dirección Lalín, onde chegou a lanzar pedras contra varios vehículos que circulaban pola vía. O 112 Galicia foi alertado preto das 21 horas.

Foto de arquivo.

Segundo informa a oficina de prensa da Garda Civil da Comandacia de Pontevedra, o mozo viaxaba no coche cos seus pais cando baixou do vehículo e comezou a lanzar pedras dende o arcén contra os coches que circulaban pola autopista, incluso tamén lanzou o seu móbil.

 PUBLICIDADE

Preme na imaxe para obter máis información deste evento.

En concreto, víronse afectados catro vehículos, pero de momento, ninguén presentou denuncia.

Ata o lugar desprazáronse a Garda Civil de Tráfico e unha ambulancia do 061 que trasladou ao mozo a un centro sanitario.

 PUBLICIDADE

Preme na imaxe para contactar connosco.

**Nunha situación deste tipo é importante actuar con prudencia e non facer xuízos sobre a persoa. As crises psicolóxicas ou psiquiátricas poden ser momentos de especial vulnerabilidade nos que resulta fundamental contar cunha atención sanitaria adecuada e unha resposta profesional.