Un lume forestal con dous focos afecta a máis de 40 hectáreas en Rodeiro

Ecos da Comarca/Rodeiro

O municipio de Rodeiro volve estar afectado por un lume forestal este sábado, 8 de agosto de 2026. Segundo a Consellería de Medio Rural son dous incendios diferentes, un na parroquia de Arnego e outro en Carboentes, aínda que veciñanza do lugar indicáronnos a este medio que os dous focos, afectan á parroquia de Carboentes, porque ambas están próximas.

Medios protexendo un núcleo de poboación en Carboentes. Autor: Ecos da Comarca.

O que si estes lumes arrasaron tanto zona de monte como prados e chegaron ao pé de granxas, calcinando incluso colmenas, e tamén ás casas, afectado a rulos de herba. Ata o lugar, para protexer as vivendas achegáronse tamén dous camións do Parque de Bombeiros de Deza.

 PUBLICIDADE

Preme na imaxe para obter máis información deste evento.

Asimesmo, a veciñanza desesperada, ao verse rodeada, fixo un chamamento a través das redes sociais para solicitar axuda de tractores e cisternas que tamén estiveron regando distintas zonas.

A veciñanza pediu axuda a través das redes sociais.

PUBLICIDADE

Preme na imaxe para obter máis información do evento.

Segundo os datos da Consellería de Medio Rural, proporcionados, ás 20 horas, a superficie afectadas e os medios de extinción son os seguintes.

 PUBLICIDADE

Preme na imaxe para obter máis información do evento.

Activo Rodeiro-Arnego

Activo un incendio forestal no concello de Rodeiro, parroquia de Arnego, rexistrado hoxe ás 15:59 horas. Segundo as últimas estimacións provisionais afecta unha superficie de máis de 20 hectáreas e para a súa extinción mobilizáronse, polo momento, 8 axentes, 12 brigadas, 7 motobombas, 1 pa, 4 helicópteros e 2 avións.

PUBLICIDADE

Preme na imaxe para obter máis información.

Activo Rodeiro-Carboentes

Está activo desde as 16:03 horas, tamén no concello de Rodeiro, un incendio forestal que

afecta á parroquia de Carboentes. Segundo as últimas estimacións provisionais afecta unha superficie de máis de 20 hectáreas e para a súa extinción mobilizáronse, polo momento, 2 técnicos, 7 axentes, 7 brigadas, 6 motobombas, 1 pa, 3 helicópteros e 4 avións.

(NAS NOSAS REDES SOCIAIS ESTÁ PUBLICADO UN VÍDEO ONDE SE PODE VER MÁIS IMAXES E ONDE FALAMOS COA VECIÑANZA)