UCIN Galicia denuncia "a ineficacia dos grupos políticos no Parlamento"

Reclámalles postas inmediatas ás necesidades sociais da nosa comunidade

Ecos da Comarca/Xeral

A Unión de Ciudadanos Independientes de Galicia (UCIN Galicia), a través do seu coordinador José Luis Calo, denuncia "a escasa eficacia e compromiso dos grupos parlamentarios actuais, que, malia os recursos dispoñibles, seguen sen dar resposta ás demandas prioritarias da cidadanía galega".

Segundo informes socioeconómicos recentes, "máis do 22% da poboación galega atópase

en risco de exclusión social, e preto dun 30% das familias teñen dificultades para

afrontar gastos básicos mensuais", sinala e ademais, recalca:

"• A sanidade pública sofre listas de espera que superan en moitos casos os 60 días para consultas especializadas.

• O custo da vivenda incrementouse nun 18% nos últimos cinco anos, especialmente en áreas urbanas como A Coruña, Vigo e Santiago.

• Máis de 80.000 fogares galegos dependen de axudas sociais para garantir alimentación e roupa.

• O déficit en transporte e mobilidade entre zonas rurais e urbanas segue a limitar o acceso ao emprego e a servizos básicos".

Ante esta realidade, José Luis Calo subliña:

"Non podemos seguir permitindo que o Parlamento de Galicia se converta nun espazo de

confrontación política estéril. Galicia necesita proxectos serios, responsables e coordinados que dean respostas reais á xente, desde a saúde e a educación ata a vivenda e a igualdade de oportunidades."

 PUBLICIDADE

Preme na imaxe para obter máis información do evento.

UCIN Galicia comprométese a traballar cunha folla de ruta clara e institucional, orientada a:

1. Reforzar os servizos públicos de saúde e educación, reducindo listas de espera e garantindo igualdade territorial.

2. Impulsar políticas de vivenda accesible, con especial atención á mocidade e ás familias con rendas baixas.

3. Asegurar a cobertura das necesidades básicas, evitando que ningún galego quede atrás.

PUBLICIDADE

Preme na imaxe se queres contactar connosco.

4. Mellorar a mobilidade e conectividade interrexional, como ferramenta para combater a desigualdade.

UCIN Galicia fai un chamamento á responsabilidade institucional de todas as forzas políticas, instándoas a poñer os intereses da cidadanía por diante das dinámicas partidistas.