Terceira xornada de búsqueda da cruceña Divina Peiteado sen resultados

Laura Moure/IsmaelRS/Vila de Cruces

O helicóptero sobrevoando a área recreativa de Toiriz. Autor: Ecos da Comarca

Continúa a búsqueda de Divina Peiteado, a veciña da parroquia cruceña de Toiriz que está en paradoiro descoñecido. Foi vista por última vez ás 15:10 horas do luns pola zona de Camballón. Dende ese día está activado un dispositivo de búsqueda, pero por desgraza, non se obtiveron resultados.

Publicidade

Preme na imaxe para obter máis información!

Este mércores pola mañá a búsqueda trasladouse ao concello veciño de Agolada. Autoridades e voluntarios peinaron sobre todo as parroquias de Brántega, Val de Sangorza e Órrea. Cabe mencionar que Divina é natural do lugar de Cebolido, en Val de Sangorza. Tamén se buscou nunhas fincas da súa propiedade no lugar do Sisto.

Así mesmo, a búsqueda centrouse no entorno da área recreativa de Toiriz, porque un camioneiro, tal e como nos contou un dos seus fillos, afirmaba vela na estrada preto do río. Nesta contorna, así como noutras dos concellos de Vila de Cruces e limítrofes de Lalín, como en Toimil, sobrevou o helicóptero da Garda Civil que estivo toda a mañá traballando, algo que foi imposible onte a causa da néboa.

Publicidade

Preme na imaxe para obter máis información.

Por desgraza, non se obtivo ningún resultado.

Publicidade

Preme na imaxe se quere contactar connosco.

A familia móstrase agradecida con toda a xente que está colaborando na búsqueda e tamén coa Xunta polo magnífico operativo que está montado, xa que considera que se están poñendo todos os medios posibles na búsqueda da octoxenaria.

NOTICIA RELACIONADAS:

• Anuncio da desaparición: https://www.ecosdacomarca.com/post/activado-un-dispositivo-de-busca-para-localizar-a-unha-muller-que-se-perdeu-onte-en-vila-de-cruces 

• O Concello pide a colaboración cidadá: https://www.ecosdacomarca.com/post/buscan-a-divina-peiteado-veci%C3%B1a-da-parroquia-cruce%C3%B1a-de-toiriz-que-est%C3%A1-desaparecida-dende-onte 

• Entrevista a un dos fillos da desaparecida: https://www.ecosdacomarca.com/post/colleunos-o-tel%C3%A9fono-e-d%C3%ADxonos-que-se-atopaba-ben-pero-que-estaba-perdida-sinala-un-dos-fillos-d