Tamara Jiménez e Laura Moure reciben os premios do concurso lalinense 'Dillo a quen maltrata"
- Laura Moure / IsmaelRS
- 27 nov 2022
- 2 Min. de lectura
A segunda ganadora, Tania Nóvoa, non puido estar presente por atoparse fóra de España
Ismael RS/Laura Moure/Lalín
O Centro Comercial Pontiñas-Gadis de Lalín albergou onte pola tarde a actividade do Concello de Lalín “Arte-acción contra a violencia de xénero”. O acto estivo presentado por Susi Payo, axente de Igualdade do Concello de Lalín. Durante a cita tivo lugar a entrega dos premios do concurso Dillo a quen maltrata, música e baile e a visión de varias campañas de loita contra a violencia de xénero.
A primeira das intervencións deste acto, trala presentación de Payo, foi a da nosa compañeira, a xornalista de ECOS DA COMARCA, a agoladesa Laura Moure Miguélez. Moure foi a terceira gañadora do concurso de cartas Dillo a quen maltrata. Tras a súa presentación, leu a carta gañadora (que leva por título Sobrevivir para poder vivir) e despois recibiu o premio da man da tenente de alcalde de Lalín, Paz Perez.
Despois puido verse un vídeo da segunda gañadora, a viguesa Tania Nóvoa Paz con raíces melidenses, xa que parte da súa familia reside nesta localidade das comarcas. Nóvoa atópase en Italia, razón pola que non puido asistir a entrega, pero gravou un vídeo lendo a súa carta que puidemos escoitar os presentes.
E por último, chegou a quenda da primeira gañadora: a pontevedra Tamara Jiménez Quirós, que recitou o seu poema e despois recibiu o galardón da man do alcalde do municipio, José Crespo.
Seguidamente, os asistentes desfrutaron das coreografías, centradas na temática do 25N, das escolas de danza da localidade Scene Ballet, Máisquedanza, As Pandereteiras Ponte da Prata de Botos e por último, proxectáronse diversas campañas de sensibilización do 25 N realizadas dende Igualdade de Lalín nos últimos anos e nos que participaron distintas persoas e colectivos deste municipio.
NOTICIA RELACIONADA:
Comentarios