Está incluída na nova acción da Subdelegación do Goberno para achegar todas as vantaxas da mesma ao rural e poderase adquirir ese día o certificado dixital
Ecos da Comarca/Sobrado dos Monxes
O Concello de Sobrado acollerá o 14 de decembro, ás 10:00 horas, no propio Consistorio a celebración dunha xornada informativa, no marco do Plan de Achegamento da Administración á Cidadanía. Cabe mencionar que hai unha semana publicamos unha noticia sobre que ministra de Política Territorial e portavoz do Goberno, Isabel Rodríguez, asinou un convenio de colaboración co presidente da Federación Española de Municipios e Provincias (FEMP), Abel Caballero, para impulsar o proxecto de achegamento da Administración á cidadanía do mundo rural. Esta colaboración entre a Administración Xeral do Estado (AGE) e a FEMP, a través do Plan A Administración preto de ti, servirá para achegar a Administración Xeral do Estado no Territorio á cidadanía, coa finalidade de facer efectivo o dereito de acceso a todos os servizos públicos dos cidadáns con independencia do seu lugar de residencia.
Neste caso, en Sobrado dos Monxes serán dous funcionarios da Subdelegación do Goberno os que darán a coñecer as posibilidades e ferramentas que proporciona a Administración Electrónica.
Ao rematar os intereados poderán facerse co seu certificado electrónico, válido para a maioría dos procedementos coa administración.
NOTICIA RELACIONADA:
