O SAF de Cruces retomouse onte con medidas de protección e continúa a vixilancia ante a sarna

Ecos da Comarca/Vila de Cruces

O Concello de Vila de Crues informou que o Servizo de Axuda no Fogar (SAF) retomou onte, mércores, a súa actividade seguindo as indicacións marcadas polas autoridades sanitarias ante a aparición de casos de sarna noruega neste municipio, empregando equipos de protección individual (EPIs) e luvas para garantir a seguridade tanto das persoas usuarias como do persoal do servizo.

Segundo se informou tamén o ente local, mantense activa a vixilancia epidemiolóxica co obxectivo de identificar posibles casos afectados e realizar o seguimento correspondente.

 PUBLICIDADE

Se queres obter máis información do evento preme na imaxe.

Ademais, nos vindeiros días distribuirase entre as persoas usuarias do SAF unha folla informativa elaborada pola Consellería de Sanidade sobre a sarna e o seu tratamento.

 PUBLICIDADE

Preme para obter máis información.

Desde os servizos sanitarios faise un chamamento á colaboración cidadá e recoméndase á veciñanza que, ante calquera sospeita ou aparición de síntomas compatibles, contacte co seu centro de saúde para recibir asesoramento e seguimento médico.

NOTICIA RELACIONADA:

• Detectados varios casos de sarna humana noruega en Vila de Cruces: https://www.ecosdacomarca.com/post/detectados-varios-casos-de-sarna-humana-noruega-en-vila-de-cruces