top of page

O PP cruceño propón tres actuacións de investimento para o Plan Provincia Extraordinaria- Plan Extra

Foto del escritor: ecosdacomarcaecosdacomarca

Ecos da Comarca/Vila de Cruces

O Grupo Municipal do Partido Popular de Vila de Cruces, sinala que "ante a inoperancia do

actual goberno do Concello e do seu alcalde", quere manifestar a súa preocupación e a súa vontade de buscar alternativas para solicitar financiamento a través do "Plan Provincia Extraordinaria-Plan Extra" da Deputación de Pontevedra.

Plano da piscina e do ximnasio que propón o PP.

"Consideramos que é fundamental aproveitar as oportunidades que brinda este plan para mellorar a calidade de vida dos nosos veciños e veciñas. Por iso, propoñemos a presentación de varios proxectos estratéxicos que consideramos prioritarios para o desenvolvemento do noso municipio, os cales xa están redactados e están nas dependencias do Concello". Son os seguintes:

1. Saneamento integral das parroquias de Camanzo e Gres: "Unha actuación necesaria para garantir a saúde e o benestar dos nosos veciños, así como para preservar o medio ambiente".

2. Execución do Plan de Especial de Infraestruturas e Dotacións do Polígono Agroforestal de Aguillós: "Un paso importante para potenciar o desenvolvemento económico da nosa comarca e crear novas oportunidades de emprego".

3. Construción dunha piscina climatizada e ximnasio “Centro Social e Deportivo Sergio Iglesias Pazos” en Vila de Cruces: "Un proxecto que promoverá un estilo de vida saudable e ofrecerá á poboación un espazo para a práctica deportiva e o lecer".


Publicidade

Preme na imaxe se queres contactar connosco.

"Instamos ao señor alcalde a deixar de lado os intereses particulares e a centrarse no futuro do noso municipio. É o momento de actuar e de tomar decisións que beneficien a todos os veciños do termo municipal". O Grupo Municipal do Partido Popular asegura que está disposto a apoiar estas iniciativas, sempre que se fagan de forma transparente e en pro do ben común e incluso se compromete a buscar financiación complementaria doutras administracións para estas actuacións dado que o importe das mesma supera a axuda do "Plan Provincia Extraordinaria-Plan Extra". "O Concello de Vila de Cruces non pode seguir proxectando unha imaxe de parálise e debe mirar ao futuro coa consecución de novas infraestruturas para o progreso do municipio".

0 comentarios

Comments


IRS.gif
Copia de ¡TU Anuncio!.gif
Ecos_da_Comarca_neg.png

© 2025 por Ecos da Comarca.

¡Grazas por contactar connosco!

  • Facebook
  • Instagram
  • TikTok
  • X
  • Youtube
bottom of page