O lalinense Alfonso Lago, novo subdelegado do Goberno na provincia de Pontevedra

Ecos da Comarca/Lalín

O delegado do Goberno en Galicia, Pedro Blanco, reuniuse este venres co novo subdelegado do Goberno na provincia de Pontevedra, o lalinense Alfonso Lago. Na xuntanza encomendoulle continuar coa tarefa desenvolvida nestes anos polas persoas que lle precederon no posto, ao tempo que fortalecer unha Subdelegación eficaz, aberta e próxima á cidadanía, administracións e institucións desta provincia.

 PUBLICIDADE

Preme na imaxe para obter máis información.

Alfonso Lago Ferreiro naceu en Lalín (Pontevedra) en 1962. É doutor enxeñeiro industrial pola Universidade de Vigo, onde actualmente era Profesor Titular da Área de Tecnoloxía Electrónica.

 PUBLICIDADE

Preme na imaxe para contactar connosco.

Nesta institución tamén ocupou distintas responsabilidades como  Vicerreitor de Profesorado, Docencia e Titulacións e Vicerreitor de Titulacións e Innovación Docente. Na súa traxectoria académica participou en 29 proxectos de I+D+I e contratos de investigación e publicou 11 libros ademais de entregar 50 comunicacións a congresos. É membro senior do  IEEE (Institute of Electrical and Electronics Engineers).