O helicóptero medicalizado do 061 con base en Santiago está inoperativo

Ecos da Comarca/Xeral

O helicóptero medicalizado do 061 con base en Santiago de Compostela permanece inoperativo desde o pasado venres debido a un problema relacionado coa documentación da aeronave. Segundo informaron fontes da Fundación Pública Urxencias Sanitarias de Galicia-061, está previsto que esta situación se prolongue durante "uns días, ata que se resolvan os trámites necesarios".

Mentres tanto, o servizo está a cubrirse cunha ambulancia adicional de soporte vital avanzado (SVA), que conta co mesmo equipo sanitario que tiña asignado o helicóptero: un médico e un profesional de enfermaría.

 PUBLICIDADE

Desde a Fundación aseguran que a cobertura das urxencias e emerxencias sanitarias está garantida e que se está seguindo o procedemento habitual para este tipo de situacións.

 PUBLICIDADE

Preme na imaxe para contactar connosco.

O helicóptero con base en Santiago é un dos dous recursos medicalizados aéreos do 061 en Galicia. O outro ten a súa base en Ourense.