O goberno de Rodeiro solicita unha parada no servizo de bus que conecta cos hospitais de Santiago

"Dende a concellería de Sanidade do Concello de Rodeiro non entendemos como se discrimina a Camba e se deixa sen este servizo esencial para un municipio coas nosas características", recalca a concelleira Julia Dacal

Ecos da Comarca/Rodeiro

Julia Dacal Juiz concelleira delegada da Área de Sanidade e en representación do goberno municipal de Rodeiro presenta unha proposición para a súa inclusión na orde do día do vindeiro pleno a través da cal solicita á conselleira de Infraestruturas e mobilidade o establecemento dunha parada en Rodeiro no servizo da liña de autobús que conecta cos hospitais de Santiago de Compostela.

"A Xunta de Galicia activou unha liña de transporte o día 17 de xullo denominada "Lalín- Hospital de Conxo". Esta liña de transporte permitirá ao persoal sanitario, así como a calquera outra veciño ou veciña acudir ao Hospital Clínico e ao Hospital de Conxo de Santiago de Compostela", lembra e engade que esta está operativa todos os días do ano e ten tres expedicións de ida e tres de volta.

Publicidade

Preme na imaxe para obter máis información!

Este recorrido conta a día de hoxe con 17 paradas que son as seguintes: Lalín estación de autobuses, Bergazos, Taboada, Silleda, Bandeira, Lamela, Penaporrín, Loimil, Balboa, Arnois, Ponte Ulla, Ribadulla, Lestedo, A Gandara, Santiago estación intermodal, Hospital Clínico de Santiago e Hospital de Conxo.

"Dende a concellería de Sanidade do Concello de Rodeiro non entendemos como se discrimina a Rodeiro e se deixa sen este servizo esencial para un concello coas nosas características. Somos o concello máis afastado da Área Sanitaria Santiago de Compostela e Barbanza e cun alto porcentaxe de persoas maiores para as cales, sobre todo, faría deste un servizo esencial".

Publicidade

Preme na imaxe se queres contactar connosco.

Por todos estes motivos, a súa proposta de acordo é a solicitude á conselleira de Infraestruturas e Mobilidade o establecemento dunha parada en Rodeiro no servizo da liña de autobús que conecta cos hospitais de Santiago de Compostela.

NOTICIAS RELACIONADAS:

• Anuncio do establecemento desta liña de autobús: https://www.ecosdacomarca.com/post/nova-li%C3%B1a-de-autob%C3%BAs-para-facilitar-os-desprazamentos-do-persoal-sanitario-desde-lal%C3%ADn-e-silleda

• Anuncio das paradas en Boqueixón e Vedra: https://www.ecosdacomarca.com/post/o-autob%C3%BAs-que-conecta-lal%C3%ADn-e-silleda-cos-hospitais-de-santiago-ter%C3%A1-paradas-en-boqueix%C3%B3n-e-vedra