O filme Regueifando con Pracer proxéctase este domingo en Lalín
Ecos da Comarca/Lalín
Este domingo, ás 13:30 horas, proxectarase o documental Regueifando con Pracer no local de Coquelicó, situado na rúa Alcalde Ferreiro, 8, de Lalín.
A través do humor, dos versos e das conexións íntimas e comunitarias, varias mozas adolescentes protagonizan esta peza audiovisual, na que reflexionan arredor do pracer e da sexualidade.
PUBLICIDADE
O documental vén de ser recentemente premiado no festival de Cine de Roca. Gravado entre o Deza e Compostela, Regueifando con Pracer está dirixido por Cora Peña e producido por Trespés Filmes, e forma parte dun proxecto promovido por María García (SRA Placerful) e Raquel «a Doallo» (“aopaso”), no que colaboraron diversos colectivos culturais e feministas, así como mulleres regueifeiras galegas.
PUBLICIDADE
A actividade é de balde e conta coa colaboración de EXERIA – Mulleres Cristiás Galegas.
Comentarios