O Concello de Silleda inicia a instalación de novas luminarias en Outeiro e na rúa Antón Alonso Ríos

Laura Moure/Silleda

O Concello de Silleda vén de iniciar os traballos para a instalación dun novo sistema de iluminación pública na rúa do Outeiro (dende a Progreso ata a praza) , na praza do Outeiro e parcialmente na rúa Antón Alonso Ríos. Estas actuacións forman parte do proceso de

modernización e mellora da eficiencia enerxética da rede municipal de alumeado.

Foto de arquivo de unha luminarias.

Os traballos inclúen a retirada progresiva das actuais farolas, debido á necesidade de respectar os tempos de fraguado das novas bases de soporte. Para minimizar o impacto sobre a iluminación das rúas afectadas, as obras organizaranse en tres fases, co obxectivo de manter un nivel mínimo de luz durante todo o proceso.

Publicidade

Preme na imaxe para obter máis información do evento.

Aínda así, é posible que se produza unha diminución temporal da intensidade lumínica nalgunhas zonas durante a execución das obras, que terán unha duración aproximada de dúas semanas.

Desde o Concello agradécese a comprensión e colaboración da veciñanza, lembrando que se trata dunha actuación necesaria para avanzar cara a un sistema de iluminación máis moderno, eficiente e sostible.

Publicidade

Preme na imaxe se queres contactar connosco.

Nas últimas semanas xa se renovaron tanto as luminarias como os soportes nas rúas Venezuela e María Colmeiro.