O Concello de Rodeiro incorpora unha nova máquina varredora para mellorar a limpeza viaria

Ecos da Comarca/Rodeiro

 O Concello de Rodeiro vén de recibir unha nova máquina varredora para a limpeza das rúas, subministrada pola empresa Baygar S.L., dando así cumprimento a un dos compromisos recollidos no programa electoral do actual goberno municipal.

A anterior máquina presentaba un estado moi deficiente: non limpaba correctamente, soltaba moito po ao seu paso e, en ocasións, chegaba a ensuciar máis do que limpaba, xerando malestar entre a veciñanza. Ademais, o seu mantemento resultaba cada vez máis custoso debido ás constantes avarías.

 PUBLICIDADE

Preme na imaxe para obter máis información do evento.

A nova maquinaria supuxo un investimento total de 86.185 euros, dos cales 50.199 euros foron achegados a través do Fondo de Compensación Ambiental, mentres que o importe restante foi cuberto con fondos propios do Concello de Rodeiro, 35.986 euros.

PUBLICIDADE

Preme na imaxe se queres contactar connosco.

O alcalde de Rodeiro subliñou que “esta nova varredora era unha demanda da cidadanía que seguro se vai encontrar satisfeita e era  unha prioridade do noso programa. Coa súa incorporación melloramos de forma notable a limpeza viaria e reducimos gastos de reparación, ofrecendo unha imaxe máis coidada e saudable das nosas  rúas".