O Concello de Melide reitéralle á Xunta a necesidade de instalar un novo peche no CEIP da Martagona

Sinala que os traballos de substitución e renovación do peche perimetral deste

centro educativo, cuxo material xa excedeu a súa vida útil, son competencia autonómica

Ecos da Comarca/Melide

O Concello de Melide vén de enviar unha misiva á Consellería de Educación da Xunta de Galicia instando ao Goberno autonómico a acometer canto antes obras de renovación do peche perimetral das instalacións do CEIP da Martagona. Na comunicación, o Concello explícalle a Xunta que os informes técnicos municipais constatan que a degradación do muro é consecuencia do final da vida útil do material de formigón armado que compón o peche. É, xa que logo, unha obra de renovación que excede as competencias municipais, limitadas ao mantemento e reparación do centro.

Dende o Concello de Melide fíxose, igualmente, saber á Xunta que a Alcaldía ten recollido nos últimos meses testemuños de gran preocupación por parte dos pais e nais do alumnado do centro, así como da ANPA e o equipo docente, no relativo ao estado da instalación dende o punto de vista da seguridade do alumnado. Téñense celebrado distintas reunións co equipo técnico e co persoal do Concello, seguidas de chamadas ao

servizo de inspección, para dar conta da situación e tras os que, porén, a Consellería de

Educación non ten dado a axeitada resposta.

 PUBLICIDADE

Preme na imaxe para obter máis información do evento.

“Non se está a dar solución a un problema que é competencia da Consellería e que xa se

alonga demasiado no tempo”, sinalou o alcalde, José Manuel Pérez, que reiterou o

compromiso do Concello co mantemento das instalacións educativas.

PUBLICIDADE

Preme na imaxe se queres contactar connosco.

Cabe lembrar que o vindeiro luns, 20 de outubro, a ANPA deste centro convoca unha manifestación. Toda a información no enlace:https://www.ecosdacomarca.com/post/a-anpa-do-ceip-martagona-de-melide-manifestarase-o-20-de-outubro-baixo-o-lema-por-un-patio-seguro