O BNG de Silleda reprocha "a demora" do goberno en adxudicar o contrato da luz dos edificios municipais

Ecos da Comarca/Silleda

O BNG de Silleda parabeniza ao goberno municipal polo aforro producido nos gastos de

electricidade a raíz da nova contratación do servizo e lamenta que non se tivera feito

moito antes.

"Hoxe (por onte) a alcaldesa de Silleda expón profusamente o aforro de cartos como consecuencia dun concurso do subministro da enerxía eléctrica para edificios municipais. Para o BNG o aforro é substancial e só podemos engadir que lamentamos que non se tivera feito antes, de tal xeito que este aforro do que fala hoxe, se podería multiplicar por un montón de anos".

Publicidade

Preme na imaxe para obter máis información do evento.

Hai que recordar, sinala, "que sistematicamente, todos os anos, o informe de intervención lletiraba das orellas ao goberno municipal pola ausencia dun contrato de subministro de

enerxía e polo tanto en situación de irregularidade. Tantas veces como a Intervención

poñía de manifesta esta irregularidade nos informes que emitía, outras tantas o BNG lle

reclamou que se sacara a concurso o subministro de enerxía non só para estar dentro

da legalidade, senón para que se producise un aforro na factura".

Publicidade    

Preme na imaxe se queres contactar connosco.

“Presumir agora dun aforro do 32% só por adxudicar o contrato, lévanos a preguntarnos

canto levamos pagado en exceso nos últimos 18 anos. Demostra que tiñamos razón ao

esixir que se sacase a concurso este e outros contratos de servizos aínda pendentes,

como o do subministro de carburantes para os vehículos municipais”, indica Erea Rey,

que engade que “a celebración de hoxe ten que ir acompañada do reproche por parte

do BNG por non telo feito hai anos”. A noticia sobre isto no enlace: https://www.ecosdacomarca.com/post/silleda-reduce-un-32-a-factura-da-luz-dos-edificios-municipais-contratando-a-trav%C3%A9s-da-central-da-f