Ecos da Comarca/Silleda
O BNG de Silleda vén de rexistrar unha moción para incluír na orde do día do seguinte
pleno municipal, pedindo que o Concello de Silleda se manifeste de maneira clara en
contra da instalación da nova planta de celulosa prevista á beira do río Ulla, no concello
de Palas de Rei.
Na moción presentada, os nacionalistas fan fincapé "nas consecuencias que a
planta pode ter para o medio ambiente e a saúde da veciñanza de Silleda, así como
as consecuencias que pode derivarse para a actividade agrogandeira, que ten un gran
peso neste concello". Por iso, solicitarán ao resto das forzas municipais que apoien
esta moción e manifesten de xeito claro a súa posición a respecto da nova planta de
celulosa.
Publicidade
Desde o BNG de Silleda consideran interesante a declaración institucional en defensa
dos dereitos do río Ulla, aprobada por unanimidade no anterior pleno ordinario, se ben
lamentan que esa declaración non faga mención ningunha ao proxecto para a
instalación da celulosa en Palas de Rei, e que supón neste momento a maior ameaza
medioambiental para o río e a contorna.
Ademais, os dous concelleiros do BNG, Erea Rey e Xerardo Diaz, presentaron a
título individual alegacións no rexistro do Concello persoándose como interesados no proxecto e solicitando á Xunta de Galicia unha declaración negativa das autorizacións e estudos ambientais do proxecto industrial.
Publicidade
Nesa liña, desde o BNG de Silleda levan varias semanas traballando coa plataforma
Ulloa Viva, facendo unha labor didáctica entre a veciñanza e colaborando na recollida
de máis de 250 alegacións individuais de veciños e veciñas do Concello, e que foron
tamén presentadas en rexistros públicos para o seu envío á Xunta de Galicia.
