O BNG de Dozón esixe o arranxo inmediato de todas as vías públicas que competen ao Concello

Sinala que as fochancas se "multiplican pola cero da xestión municipal"

Ecos da Comarca/Dozón

O responsable do BNG de Dozón, Mario Vila, critia as fochancas que hai neste municipio e sinala que se "multiplican pola cero da xestión municipal".

Para a reparación das vías públicas, io BNG fala de que existen tres tipos de actuacións segundo a frecuencia coa que se realizan os traballos de mantemento de estradas:

• Operacións de mantemento rutineiras. Son as que se realizan ao longo do ano, incluíndo o perfilado da estrada ou o recheo de fochancas.

• Operacións de mantemento periódicas. Trátase de traballos planificados deseñados para ter o mínimo impacto na reparación. O selado ou a reparación de barreiras fluviais son algúns exemplos.

• Operacións de restauración. Trátase de operacións de maior envergadura que adoitan implicar o peche da estrada para devolvela ao seu estado orixinal. Os repavimentos ou tratamentos que afectan a toda a superficie asfáltica son os máis comúns.

Publicidade

Preme na imaxe para obter máis información do evento.

"As fochancas son un problema nas estradas que pode poñer en risco os condutores e danan os vehículos. Reparalos axeitadamente prolonga a vida útil da infraestrutura e garante a seguridade de todos. Para conseguilo, é importante seguir os pasos axeitados e realizar traballos de reparación con regularidade. Dende o goberno do partido popular en Dozón, con Adolfo Campos Vázquez á cabeza, esta regularidade e implicación non existe", sinala.

Publicidade

Preme na imaxe se queres contactar connosco.

Dotar economicamente dun programa de conservación e mantemento, apunta, "de aplicación rigorosa e efectiva, non é prioritario nin está en axenda. Seguen sen atender o básico nas estrada municipais. Están totalmente ausentes ante os problemas existentes de deterioro nas estradas de titularidade municipal. Agravan as deficiencias das infraestruturas ao non asumir as súas funcións e as súas competencias. Deixan que as propias inclemencias meteorolóxicas e o tempo sigan a gañar a carreira do abandono.

Así non se goberna Dozón, só se xera desprotección e destrución. Dende o BNG en Dozón esiximos que se actúe con urxencia antes estas deficiencias e asuman o arranxo inmediato de todas as vías públicas que competen ao Concello de Dozón. Se non son capaces de levar a cabo ditas demandas a dimisión é a mellor opción para que outras persoas si poidan comprometerse e asumir o papel que eles non queren levar a cabo. Dozón merece atención".