O BNG cruceño acusa ao PP de “parchear” o problema do CEIP Nosa Señora da Piedade

O Bloque esixe unha reforma integral do centro educativo

Ecos da Comarca/Vila de Cruces

O portavoz municipal do BNG de Vila de Cruces, Álex Fiúza, lembra que o Bloque leva anos reclamando unha reforma integral das instalacións a través de emendas aos orzamentos da Xunta, propostas que foron rexeitadas reiteradamente polo Partido Popular. “A situación do centro non mellora, senón que empeora curso a curso mentres a Xunta evita afrontar a solución de fondo”, sinalou.

O BNG lembra que o pasado 25 de febreiro a deputada Ariadna Fernández rexistrou no

Parlamento galego unha iniciativa para instar á Xunta a actuar. A proposta recolle as demandas trasladadas polas familias e pola ANPA, que denuncian o deterioro das

instalacións, con problemas como goteiras e humidades no edificio de Infantil ou unha

caldeira obsoleta que impide manter unha temperatura axeitada nas aulas.

 Publicidade

Preme para obter máis información.

Para o BNG, as actuacións anunciadas pola Consellería —como a reparación puntual da

cuberta do edificio de infantil— pode ser un parche para o curso actual, mais “claramente

insuficiente” para adaptarse ás necesidades que require o centro o vindeiro curso.

A iniciativa do Bloque propón abordar unha reforma integral do centro que comece canto

antes para estar ao disposición da comunidade educativa nos inicios do curso 26-27, coa

construción dun edificio anexo, ou mesmo a ampliación da á baixa do edificio de primaria

para poder dar cabida ás aulas de educación infantil, así como a creación de zonas

cubertas no patio exterior.

 PUBLICIDADE

Preme na imaxe para contactar con nós!

“Non se pode seguir parcheando unha situación que afecta directamente ao alumnado e ao profesorado. O que precisa o CEIP da Piedade é unha actuación integral que garanta

instalacións dignas e de calidade”, concluíu Fiúza.

NOTICIAS RELACIONADAS:

• Denuncian a situación “inhumana e insegura” do CEIP Plurilingüe Nosa Señora da Piedade de Cruces: https://www.ecosdacomarca.com/post/denuncian-a-situaci%C3%B3n-inhumana-e-insegura-do-ceip-pluriling%C3%BCe-nosa-se%C3%B1ora-da-piedade-de-cruces

• O BNG cruceño apoia á comunidade educativa na reforma integral do CEIP Nosa Señora da Piedade: https://www.ecosdacomarca.com/post/o-bng-cruce%C3%B1o-apoia-%C3%A1-comunidade-educativa-na-reforma-integral-do-ceip-nosa-se%C3%B1ora-da-piedade

• A Xunta analizará a mellor opción para distribuír ao alumnado do Nosa Señora da Piedade de Cruces: https://www.ecosdacomarca.com/post/a-xunta-analizar%C3%A1-a-mellor-opci%C3%B3n-para-distribu%C3%ADr-ao-alumnado-do-nosa-se%C3%B1ora-da-piedade-de-cruces