O alcalde de Agolada sentou hoxe no banco dos acusados por precintar a ampliación da depuradora de Lácteos Farelo

Luis Calvo está acusado dos delitos de prevaricación e falsidade en documento oficial

Ecos da Comarca/Agolada

Luis Calvo.

O alcalde de Agolada, Luis Calvo, do Partido Anticorrupción y Justicia sentou este xoves no banco dos acusados na Audiencia de Pontevedra acusado dos delitos de prevaricación e falsidade en documento oficial polo precintado da ampliación da depuradora da empresa agoladesa Lácteos Farelo, feitos ocorridos a finais de 2019. Cabe mencionar que Calvo se fixo coa Alcaldía deste Concello uns meses antes, en maio dese mesmo ano.

Publicidade

Preme na imaxe se queres saber máis deste evento.

A fiscalía pide 14 anos e nove meses de inhabilitación para o exercicio de emprego o cargo público por prevaricación e tres anos e nove meses de prisión e multa por falsedade en documento oficial. Pola súa banda, a acusación particular da empresa reclama unha indemnización de 300.000 euros por danos e perxuizos, e incrementa as penas do ministerio público ata os cinco anos de prisión e multa pola falsedade documental. Ademais, demanda para o rexedor agoladés 15 anos de inhabilitación.

Publicidade

Preme na imaxe se quere contactar connosco.

Durante a súa intervención, e segundo fontes consultadas, o mandatario defendeu a legalidade do proceso, mentres que traballadores do Concello por aquel entonces, como a súa secretaria persoal, o propio secretario do Concello ou o arquitecto técnico, afirmaron non estar de acordo con esta actuación e incluso, máis dun coincidiu en que o mandatario "tiña obsesión con esta empresa".