Novas medallas para o Club Atletismo Deza no provincial alevín

Tamén formou parte de dous equipos de clubs filiais, axudando a que o Ourense feminino e o Gimnástica de Pontevedra masculino acadasen as súas medallas

Ecos da Comarca/Deza

Na pasada fin de semana, o Club Atletismo Deza estivo presente no Campionato Galego de Clubs Sub 16. Participou co equipo filial do Ourense, no que a deportista de Deza Valeria Pájaro realizou a proba de lanzamento de peso, acadando unha nova marca persoal e colaborando así a que o Ourense acadase a prata.

Na categoría masculina, Beltrán Rivas participou co equipo filial da Gimnástica de Pontevedra, nas probas de lanzamento de peso e salto de altura. O deportista gañou en ambas probas, sendo clave para que o equipo pontevedrés se proclamase campión.

Publicidade

Preme na imaxe para obter máis información do evento.

Dende o Club, mostran o seu orgullo por estes dous atletas e felicitan aos dous clubs filiais por acadas as medallas.

Publicidade

Preme na imaxe se queres contactar connosco.

Deza tamén estivo presente no campionato provincial alevín, no que tivo unha gran participación e acadou dúas medallas: unha de prata con Xoán Peón en pelota e un bronce con Telma Salgueiro en salto de altura.