top of page

Menos lixo e unha sorpresa desagradable na 2ª xornada promovida polos Troiteiros Río Furelos

Ecos da Comarca/Melide

A segunda xornada de limpeza levada a cabo pola Asociación Troiteiros Río Furelos tamén xa tivo lugar e tal e como indica o colectivo recolleuse menos lixo do agardado, algo que sempre é positivo, pero tamén se atoparon con algunha sorpresa desagradable.


Publicidade

O comunicado do colectivo:

"Menos lixo do agardado, na segunda xornada de limpeza do Río Furelos, aínda que si

con sorpresas: 100 kg de plásticos, latas, roupa, martelo de ferro, etc. Nas labores de limpeza participaron nesta ocasión 20 veciños que se repartiron a zona entre os Pasales de Petos e a Ponte da Pedra, nunha mañá gris e algo chuviosa.

O abraio desagradable para cos veciños é unha toma ilegal de auga directa do río Furelos, que por suposto xa foi denunciada diante de Augas de Galicia e a Consellería de Medio Ambiente para que se tomen as medidas necesarias.


De abraio en abraio rouban e rompen o que é de todos. Tamén podemos comprobar como os desaprensivos ou mellor dito “Amigos do Axeno”, foron capaces de roubar tres dos rolos do pantalán da Tosta (sen barcos) que hai no Furelos e do mal estado do mesmo e da rotura de parte do mobiliario (bancos de pedra).


Publicidade

Toda esta situación dá a sensación de desleixo total para co río Furelos por parte das autoridades, algo que non nos cansaremos de denunciar e por suposto de defender o seu mantemento en condicións optimas para o desfrute de todos os veciños.


A próxima xornada é para o día 9 entre a Ponte Romana de Furelos e os Pasales de Petos, incluindo neste tramo os regos de A Martagona ata O Ribeiro e o de Sandión ata Reboirós".


Asdo. Xavier Pazo Blanco

Presidente Asoc. Troiteiros Río Furelos

NOTICIAS RELACIONADAS:

0 comentarios

Comments


IRS.gif
Copia de ¡TU Anuncio!.gif
Ecos_da_Comarca_neg.png
bottom of page