Localizado sen vida o mozo desaparecido o domingo en Silleda

ecosdacomarca
14 ene
2 Min. de lectura

Ecos da Comarca/Silleda

Lamentablemente, Álex Wang, o mozo de 18 anos desaparecido o domingo en Silleda, apareceu este martes sen vida. Tal e como informa a Oficina de Prensa da Comandacia da Garda Civil de Pontevedra foi localizado hoxe ás 15:30 horas polos axentes do Grupo Especial de Actividades Subacuáticas (GEAS) da Garda Civil no río Deza, na zona da Ponte Taboada (Silleda).

A zona do dispositivo para levar a cabo o rescate do río. Autor: Ecos da Comarca

Unha ampla despregadura de medios traballaba no operativo de busca, e o Grupo Especial de Localización e Rescate da ONG Intervención Ayuda y Emergencias (IAE) encargouse de recuperar o corpo, tal e como sinala o 112 Galicia.

O operativo estivo coordinado pola Garda Civil e nel participaron os drons da Axega, o GES de Lalín, a Agrupación de Voluntarios de Protección Civil de Vila de Cruces e o Grupo Especial de Localización e Rescate da IAE, así como numerosos veciños. Ademais alertouse ao Grupo de Intervención Psicolóxica en Catástrofes e Emerxencias (GIPCE), do Colexio Oficial de Psicoloxía de Galicia, por se resultase necesaria a súa intervención.

Convén sinalar que o 112 Galicia tivo constancia da desaparición do mozo dez minutos antes das 17 horas do domingo, a través da chamada dun familiar.

Comunicado do Concello de Silleda

"Lamentamos comunicar que a primeira hora desta tarde os buzos da Garda Civil atoparon no río Deza o corpo de Alex Wang, o mozo que se buscaba dende o pasado domingo.

Preme na imaxe se queres contactar connosco.

Dende o Concello de Silleda transmitimos as nosas condolencias á familia e aos amigos e amigas de Alex, así como o noso máis sincero agradecemento as todas as persoas, institucións e corpos e forzas de seguridade que participaron no operativo.