Localizado en bo estado o veciño de Goiás desaparecido este luns

Ecos da Comarca/Lalín

O veciño de Bailás, na parroquia de Goiás (Lalín), que permanecía desaparecido desde este luns pola tarde, foi localizado en bo estado, segundo informou a Garda Civil a este medio ás 1:00 horas deste martes.

O operativo de busca.

O home apareceu nunha zona próxima ao campo de tiro de Lalín. Unha das persoas que participaba no dispositivo de busca estaba chamando por el cando o veciño respondeu, permitindo así localizalo.

A pesar de atoparse ben, foi trasladado ao PAC de Lalín para ser sometido a unha valoración médica.

 PUBLICIDADE

Preme na imaxe para obter máis información do evento.

O dispositivo de busca, no que participaron veciños e familiares, efectivos da Garda Civil, Emerxencias Lalín e Policía Local, quedou levantado arredor da 1:00 horas da madrugada, despois de que o home fose localizado uns minutos antes.

 PUBLICIDADE

Preme na imaxe para contactar connosco.

Anxo, que padece alzhéimer, atopábase desorientado, polo que desde o primeiro momento se intensificara a súa procura, especialmente na zona urbana de Lalín, despois de que varios datos apuntasen a que se dirixira cara á vila.

NOTICIA RELACIONADA:

• Buscan en Lalín a un veciño de Goiás desaparecido do seu domicilio: https://www.ecosdacomarca.com/post/buscan-en-lal%C3%ADn-a-un-veci%C3%B1o-de-goi%C3%A1s-desaparecido-do-seu-domicilio