Lalín activa un plan de emerxencia de abastecemento de agua debido á reducción crítica dos depósitos

Os técnicos municipais e o goberno tamén acordaron iniciar unha investigación sobre o ocorrido para depurar as posibles responsabilidades

Ecos da Comarca/Lalín

O Concello de Lalín activa o Plan de emerxencia do sistema de abastecemento de auga, tras rexistrarse na tarde-noite de onte un consumo anormalmente elevado (1.500 metros cúbicos por enriba do habitual) que deixou os depósitos en niveis críticos, provocando unha perda de presión xeralizada e incluso cortes no subministro fundamentalmente en rúas situadas por enriba da Praza da Igrexa e varias zonas do rural.

 PUBLICIDADE

Preme na imaxe para obter máis información deste evento.

A activación do Plan de emerxencia, que foi acordada nunha reunión mantida esta mañá por membros do goberno local, técnicos municipais e responsables da empresa concesionaria, conleva as seguintes medidas:

• Redución da presión en todo o sistema de abastecemento ao 75% do habitual para permitir a reposición de auga nos tanques con maior velocidade.

•  Ordear a suspensión das actividades de gran consumo, como os servizos de lavado industriais situados nas gasolineras, ademais do peche das duchas nas instalacións municipais.

• Transporte de auga con cubas dende os puntos de captación ata os tanques para acelerar a recuperación dos niveis.

• Posta en marcha de accións antifraude pechando aqueles puntos de consumo non controlado que foron detectados nas últimas horas.

•  Habilitación de puntos de reparto de auga embotellada na parte alta da vila aos veciños que o precisen mentres non se repoña o servizo ao longo do día de hoxe.

 PUBLICIDADE

Preme na imaxe para obter máis información do evento.

Haberá puntos de entrega en:

•  Praza da Igrexa

•  Rúa C, fronte ao vello ambulatorio

•  Fronte ao edificio sociocultural da rúa Manuel Rivero

•  Estación de autobuses

 PUBLICIDADE

Preme na imaxe se queres contactar connosco.

Por outra banda, os técnicos municipais e o goberno tamén acordaron iniciar unha investigación sobre o ocorrido para depurar as posibles responsabilidades da empresa e, ao mesmo tempo, facer un seguimento de posibles incrementos anormais do consumo de agua para usos agrogandeiros.