Ecos da Comarca/Vila de Cruces
O voceiro do BNG de Vila de Cruces, Álex Fiuza, esixe responsabilidades ao alcalde, Luis Taboada, e á concelleira de Economía e Facenda, Mireya Otero, polas facturas sen abonar.
"As facturas que reclama o BNG algunhas son de 2021, e outras de 2022, as cales nunca foron a pleno. A propia concelleira ten recoñecido en pleno non ter coñecemento destas facturas", puntualiza o partido nacionalista. Así mesmo, Fiuza pide "que deixen de enganar, e que repetir constantemente que a culpa é do BNG non os exime de responsabilidade".
As facturas, sinala, "que non cumpren os procedementos legais das que falan Taboada e Mireya foron aprobadas coa abstención do PP, mais as que o BNG está a reclamar son facturas pendentes de recoñecer de empresas de Vila de Cruces de exercicios pasados, que non cobraron porque Taboada, preferiu ter o pago ao día, do asesor de comunicación e o seu compendio de empresas, a técnica de urbanismo enchufada, a asesoría externa financeira", acusa.
NOTICIAS RELACIONADAS:
O que lle respondeu o goberno local: https://www.ecosdacomarca.com/post/se-algu%C3%A9n-a%C3%ADnda-non-cobrou-do-ano-pasado-%C3%A9-porque-en-catro-plenos-o-bng-votou-en-contra
