Controlado dende esta medianoite o incendio forestal de San Martiño de Oleiros, Toques
- ecosdacomarca
- 17 ago 2025
- 1 min de lectura
Ecos da Comarca/C.Terra de Melide
Ás 00:20 horas de hoxe, domingo, quedou controlado o lume iniciado ás 18:49 horas deste xoves no concello coruñés de Toques, parroquia de San Martiño de Oleiros, tal e como informou a primeira hora desta mañá a Consellería de Medio Rural.
Neste lume, que segundo as últimas estimacións rolda as 320 hectáreas afectadas, tívose que activar a Situación 2 pola proximidade ao núcleo de Penagundín, medida xa desactivada.
Para a extinción do incendio, segundo afirma Medio Rural, mobilizáronse de xeito acumulado, 3 técnicos, 19 axentes, 34 brigadas, 33 motobombas, 1 pa, 2 helicópteros e 2 avións. Hai que facer mención especial tamén aos Bombeiros de Arzúa e aos veciños que con tractores e cisternas e sen descanso traballaron arreo para combater o lume. Tamén os lugareños que con cubos de auga, mangueiras, batefogos,... fixéronlle fronte a un incendio que arrasou boa parte da Serra do Careón.
Publicidade
Cabe mencionar que onte, domingo, volveron producirse novos focos na zona do Meire e próximos a unha granxa e a unha matadoiro.
Tamén na zona do Leboreiro (Melide) onde o xoves se producía outro lume que puxo en perigo a unha vivenda, se orixinaba onte ao mediodía outro na zona palense de Orosa que se volveu reactivar pola tarde. Neste lugar, tamén hai granxas próximas.
NOTICIA RELACIONADA:
Estabilizado o lume forestal de San Martiño de Oleiros, Toques: https://www.ecosdacomarca.com/post/estabilizado-o-lume-forestal-de-san-marti%C3%B1o-de-oleiros-toques
Comentarios