Concentración no IES Marco do Camballón para esixir unha solución ao profesorado de Latín e Grego
A mobilización será o vindeiro luns, 5 de outubro
Ecos da Comarca/Vila de Cruces
O Concello de Vila de Cruces informa que o vindeiro luns, 5 de outubro, terá lugar unha concentración no IES Marco do Camballón ás 11:30 horas para reclamar a resolución da situación do profesorado de Latín e Grego, que continúa sen resolverse e impide que o alumnado poida cursar estas materias de maneira presencial no propio centro.
Segundo explican desde o instituto, o problema non afecta só ao alumnado actual, senón tamén ao que se incorporará nos próximos anos e ao futuro da oferta educativa do centro.
PUBLICIDADE
Por este motivo, fan un chamamento a participar na concentración ao alumnado, familias, avós e avoas, amizades, veciñanza e a todas as persoas que queiran apoiar o instituto.
PUBLICIDADE
"O futuro do noso alumnado e do noso instituto está en xogo.Queremos un IES con presente. Queremos un IES con futuro. Vémonos o luns. Comparte. Súmate. Fai correr a voz", sinala o Concello.
NOTICIAS RELACIONADAS:
O BNG denuncia a falta de profesorado presencial de Latín e Grego no Bacharelato no instituto de Cruces: https://www.ecosdacomarca.com/post/o-bng-denuncia-a-falta-de-profesorado-presencial-de-lat%C3%ADn-e-grego-no-bacharelato-no-instituto-de-cru
Goberno local, ANPA e familias de Cruces esixen á Xunta recuperar o profesorado de Latín e Grego: https://www.ecosdacomarca.com/post/goberno-local-anpa-e-familias-de-cruces-esixen-%C3%A1-xunta-recuperar-o-profesorado-de-lat%C3%ADn-e-grego
Comentarios