Daniel Conde estréase nun Campionato Absoluto e Pepe Domínguez recolle un bronce en 800 metros
Ecos da Comarca/Deza
O Club Atletismo Deza gozou doutra gran fin de semana de probas deportivas. Primeiro, asistiu ao Campionato Galego Absoluto, en Ourense, no que se estreou o deportista Daniel Conde e conseguiu facer 7,30 de tempo nos 60 ml, "un grande resultado tendo en conta que leva uns catro meses practicando atletismo", sinala o club. Neste campionato tamén asistiu Beltrán Rivas, quen fixo unha boa marca, 1,78 metros, e chegou ao sétimo posto.

Unha proba máis, un dos fundadores do club Pepe Domínguez recolleu unha nova medalla para a casa. Nesta ocasión, foi no Campionato Galego Máster en pista cuberta, que se celebrou en Ourense. Nesta competición, Domínguez participou nos 800 metros, facendo un tempo de 2:16 e recollendo un bronce.
Publicidade
Houbo unha boa participación no Torneo de Reis, que se celebrou en Pontevedra, unha proba que fora adiada da xornada de Reis por causa do mal tempo e á que asistiron menos atletas dos que ao Club lle gustaría, posto que había prazas limitadas.
Publicidade
Finalmente, o Deza tamén tivo representación no Circuíto Comarcal de Campo a Través de
Chantada, onde participou a atleta Xiana Alarcón.
Comments