top of page

Arde en Boimorto unha palleira con máis de 60 toneladas de herba seca e palla

Ecos da Comarca/Boimorto

O incendio de hoxe. Autor: Ecos da Comarca.

Este domingo orixinouse un incendio nunha palleira dunha explotación gandeira de Boimorto, situada no lugar de Marco de Abaixo, na parroquia de Sendelle. O suceso ocorreu pasados uns minutos das 15:30 horas.

Autor: Ecos da Comarca


ECOS DA COMARCA desprazámonos ao lugar sobre as oito da tarde. Alí seguían traballando os equipos de extinción e veciños que colaboraron cos seus tractores para retirar a herba seca.


Os bombeiros de Arzúa traballan no lugar e para sufocar este lume tamén interveñen, como informa o 112 Galicia e como comprobamos in situ, dúas motobombas enviadas polo distrito forestal da zona, procedentes de Frades e de Arzúa, que serven para abastecer de auga aos equipos de extinción.


Publicidade

Sobre as oito da tarde, os membros do Servizo de Prevención, Extinción de Incendios e Salvamento de Arzúa conseguiran retirar unhas vinte toneladas de herba seca, das sesenta que se almacenaban no interior da construción, cunha pa que dispoñían os veciños, tal e como sinala o 112 Galicia.


"Aínda que cremos que pode haber máis de 60. Había herba seca e palla", sinala un familiar do afectado que nos conta que foi un veciño que ía no coche o que deu a voz de alarma ao ver o fume que saía. Había tanto herba seca deste ano como do anterior, polo que isto supón unha enorme perda económica, ademais, a estrutura da nave na que se orixinou o lume viuse totalmente afectada.


Afortunadamente, ningunha persoa resultou ferida e tampouco os animais e a sala de ordeño que se atopan noutras construcións do lado.

"Foi un particular quen alertou do incendio ao 112 Galicia, uns minutos despois das 16:00 horas desta tarde. A partir de aí, desde o 112 Galicia púxose a situación en coñecemento dos Bombeiros de Arzúa, da Garda Civil, de Protección Civil de Boimorto, Melide e Arzúa e do distrito forestal da zona", indica o 112 Galicia.


Ás 21:30 horas aínda continuaban as tarefas de extinción.

0 comentarios

Comments


IRS.gif
Copia de ¡TU Anuncio!.gif
Ecos_da_Comarca_neg.png
bottom of page