Ao menos catro lumes forestais na comarca de Deza en dúas días
Laura Moure/Deza
Entre o xoves e o venres orixinaronse ao menos catro lumes forestais na comarca de Deza, en concreto tres no municipio de Agolada e outro en Lalín.
O xoves pola noite xa informábamos dende este Medio dun lume que afectaba á parroquia agoladesa de Ventosa. Este foi extinguido de madrugada e calcinou 30 hectáreas. Pois onte, venres, rexistráronse outros dous neste municipio: un na parroquia de Bais e outro como xa informábamos dende ECOS DA COMARCA dende o propio lugar do incendio, na de Órrea. Mentres o de Lalín afectou ao lugar de Alperiz.
O lume de Órrea. Autor: Ecos da Comarca
Esta é a información proporcionada pola Consellería de Medio Rural sobre estes lumes:
San Paio de Bais (Agolada)
-Inicio: 16:42 horas.
-Extinguido: 18:15 horas.
-Superficie 0,35 hectáreas rasas.
-Participaron: 1 axente, 1 brigada e 1 motobomba.
Órrea (Agolada)
-Inicio 21:37 horas.
-Extinción: 23:38 horas.
-Superficie 0,15 hectáreas rasas e 0.15 hectáreas arboradas.
-Participaron: 2 axentes, 1 brigada e 1 motobomba.
Mentres os datos do de Alperiz na parroquia lalinense de Parada son:
-Inicio: 17:27 horas.
-Extinción: 20:11 horas.
-Superficie 0,7 hectáreas rasas e 2 hectáreas arboradas.
-Participaron: 3 axentes, 5 brigadas, 2 motobombas e 1 helicóptero.
Información do lume de Ventosa nos enlaces:
