Alerta amarela por tormentas para hoxe, 9 de novembro, en boa parte das comarcas
Ecos da Comarca/Xeral
A Dirección Xeral de Emerxencias e Interior da Xunta de Galicia activou para hoxe, luns 9 de novembro, o nivel de alerta amarela por tormentas para varias zonas das provincias da Coruña, Ourense e Pontevedra.
Segundo o aviso remitido por Emerxencias Galicia este domingo, 8 de novembro, en base ao boletín da Axencia Estatal de Meteoroloxía (AEMET), as tormentas afectarán ao oeste e suroeste da provincia da Coruña, así como ao sur, montaña e Valdeorras, en Ourense, e á provincia de Pontevedra.
PUBLICIDADE
O episodio meteorolóxico adverso está previsto que comece a media tarde deste luns, 9 de novembro, e que se prolongue ata a madrugada do martes, día 10.
PUBLICIDADE
Desde Emerxencias recoméndase manter a precaución ante a posible aparición de fenómenos tormentosos durante este período.
Comentarios